Archives

Griżma tal-Isqof għat-Tfal li qed jirċievu katekiżmu

21/10/2026
Deskrizzjoni

Proċeduri marbuta mas-sagrament tal-Griżma tal-Isqof għat-Tfal li jirċievu katekeżi.

Proċedura

Sabiex persuna (kandidat) tkun tista’ tirċievi is-sagrament tal-Griżma tal-Isqof:

  • Trid tkun mgħammda.
  • Trid tkun għalqet 12-il sena jew iżjed, fl-istess sena li ssir il-Griżma, jew ingħatat permess tal-Ordinarju.
  • Segwiet kors ta’ tagħlim/katekiżmu li jwasslu għall-qrar u t-tqarbin.
  • Segwiet kors ta’ tagħlim/katekiżmu li jwasslu għas-Sagrament tal-Griżma tal-Isqof.
  • Ma tkunx diġà irċeviet il-Griżma f’każ ta’ emerġenza.
A. Dokumenti meħtieġa
  1. Ċertifikat tal-Magħmudija tal-kandidat.
  2. Il-Karti tal-Identità tal-ġenituri li jridu jippreżentawha biex issir il-verifika li huma l-vera ġenituri tal-kandidat/a.
  3. Id-dokument li fih il-ġenituri taw il-kunsens għas-sagramenti, minn dawn li ġejjin:
    1. Il-formola tar-reġistrazzjoni tal-Magħmudija (prima manus)
    2. Il-formola tar-reġistrazzjoni għall-Katekiżmu
    3. Timtela il-formola Formola ta’ Kunsens g]all-Amministrazzjoni tas-Sagramenti ta’ Minorenni [ Niżżel il-formola ]
  4. Id-dikjarazzjoni tal-parrinu/a.
  5. Jekk il-kandidat agħmel il-katekiżmu f’parroċċa/ċentru ieħor:
    1. Nota ta’ attendenza mill-parroċċa/ċentru/MUSEUM li juru li l-kandidat verament tħejja biex jirċievi dan is-sagrament.
  6. Fil-każ ta’ ġenituri separati, adottivi jew kustodji legali, wieħed jew iktar minn dawn li ġejjin:
    1. Dokumentazzjoni li tawtorizza lill-kustodji li jiffirmaw waħidhom mingħajr il-kunsens tal-ġenitur/i naturali.
    2. Id-digriet tal-kustodja tal-qorti ċivili.
    3. Digriet tal-qorti li jawtorizza l-amministrazzjoni tas-sagrament.
  7. Jekk il-kandidat se jagħmel il-Griżma f’parroċċa oħra: Il-formula Permess biex sagrament jiġi amministrat f’parroċċa oħra. [ Niżżel il-formola ]
B. Reġistrazzjoni
  1. Ikkonferma li d-dokumenti kollha mitluba hawn fuq f’sezzjoni A hija pprovduta.
  2. Spjega l-għażla u r-reġistrazzjoni tal-parrinu/a:
    1. Il-ġenituri jridu jagħżlu persuna li taqdi r-rwol ta’ parrinu/a. Din trid tkun:
      1. Raġel jew mara, li mhux il-missier jew l-omm tal-adoloxxenti.
      2. Minn 16-il sena ‘l fuq. Jista’ jkun iżgħar imma hemm bżonn il-permess tal-Ordinarju.
      3. Għamlet il-Magħmudija u l-Griżma tal-Isqof.
      4. Tgħix it-tagħlim Nisrani, titlob u tirċievi regolarment is-Sagramenti tal-Qrar u t-Tqarbin.
      5. Tifhem id-dover tiegħu/tagħha li tgħin lill-kandidat/a biex jikber fil-fidi Nisranija, iħares il-kmandamenti u t-tagħlim Kattoliku u jħobb lill-proxxmu kif għallimna Ġesù.
    2. Agħtihom kopja tal-formola Dikjarazzjoni tal-parrinu/a [ Niżżel il-formola ] sabiex timtela mill-parrinu/a u terġa tinġieb fl-uffiċċju parrokkjali.
  3. Informa lill-ġenituri bid-data u l-ħin tal-Griżma, il-proċeduri ta’ ritratti u filmati u d-dettalji tal-laqgħat ta’ preparazzjoni għall-ġenituri u l-parrini.
Ċ. Wara li ssir il-Griżma tal-Isqof
  1. Irreġistra il-Griżma fir-reġistru tal-Griżma tal-Isqof.
  2. Niżżel nota marġinali fir-reġistru tal-Magħmudija.
  3. Daħħal ir-reġistrazzjoni fis-sistema tal-Parish Management [ Iftaħ is-sistema].
  4. Arkivja d-dokumenti kollha tar-reġistrazzjoni.
  5. Ibgħat in-Notifika li saret griżma fil‑Parroċċa tiegħek mill-User Area ta’ parrocci.knisja.mt [ Iftaħ il-link ] bid-dettalji tal-kandidati li tgħammdu f’parroċċa oħra.
    1. F’każ li l-persuna li rċiviet il-Griżma tal-Isqof kienet mgħammda barra minn Malta, informa lill-parroċċa barra minn Malta dwar dan is-Sagrament.
Il-proċedura tieqaf hawn.
Dokumenti

Żwieġ – proċeduri

30/03/2026
Deskrizzjoni

Proċeduri marbuta mas-sagrament taż-Żwieġ.

Proċedura

A. Sentejn Qabel iż-Żwieġ
  1. Booking taż-Żwieġ fil-knisja fejn se jsir iż-żwieġ
    1. Agħmel appuntament mal-għarajjes sabiex jiġu l-uffiċċju parrokkjali u jġibu magħhom il-karti tal-identità.
    2. Imla il-formula Notifika ta’ booking ta’ żwieġ li se jsir fil‑Parroċċa tiegħek [Iftaħ il-Formola] – trid tillogja fil-User Area ta’ parrocci.knisja.mt sabiex taċċedi għall-formola.
Il-proċedura tieqaf hawn.
Dokumenti

Żwieġ – timeline

27/03/2026
Deskrizzjoni

Timeline tal-proċeduri marbuta mas-sagrament taż-Żwieġ.

Timeline

SENTEJN QABEL IŻ-ŻWIEĠ

Booking

L-għarajjes jiġu l-uffiċċju parrokkjali sabiex jagħmlu l-booking taż-żwieġ.

Ara l-proċedura →

SENTEJN QABEL IŻ-ŻWIEĠ

SENTEJN QABEL IŻ-ŻWIEĠ

Kors ta’ tħejjija għaż-żwieġ

L-għarajjes jibbukkjaw personalment għall-kors ta’ tħejjija għaż-żwieġ mal-Moviment ta’ Kana.

canamovement.org →

SENTEJN QABEL IŻ-ŻWIEĠ

4 XHUR QABEL IŻ-ŻWIEĠ

Reġistrazzjoni

L-għarajjes imorru għand il-kappillan rispettiv tagħhom sabiex jirreġistraw.

Ara l-proċedura →

4 XHUR QABEL IŻ-ŻWIEĠ

3 XHUR QABEL IŻ-ŻWIEĠ

Reġistru Pubbliku

L-għarajjes imorru r-Reġistru Pubbliku sabiex jirreġistraw iż-żwieġ tagħhom u jinħarġu it-tnidijiet ċivili.

Ara l-proċedura →

3 XHUR QABEL IŻ-ŻWIEĠ

XAHREJN QABEL IŻ-ŻWIEĠ

Uffiċċju Żwiġijiet tal-Kurja

L-għarajjes jagħmlu appuntament ma’ l-uffiċċju taż-Żwiġijiet tal-Kurja, il-Furjana.

Ara l-proċedura →

XAHREJN QABEL IŻ-ŻWIEĠ

XAHREJN QABEL IŻ-ŻWIEĠ

Tnidijiet tal-parroċċa (kanoniċi)

L-għarajjes jgħaddu iċ-ċedola taż-Żwieġ maħruġa mill-uffiċċju taż-żwieġ tal-Kurja lill-kappilani rispettivi tagħhom. Il-kappillan joħroġ it-tnidjiet tal-parroċċa.

Ara l-proċedura →

XAHREJN QABEL IŻ-ŻWIEĠ

10 IJIEM QABEL IŻ-ŻWIEĠ

Dokumenti

L-għarajjes jgħaddu iċ-ċedola taż-Żwieġ u żewġ kopji tal-Att taż-Żwieġ tar-Reġistru Pubbliku lill-kappillan fejn se jsir iż-żwieġ.

Ara l-proċedura →

10 IJIEM QABEL IŻ-ŻWIEĠ

JUM IŻ-ŻWIEĠ

Is-sagrament taż-Żwieġ

Jiġi ċċelebrat is-sagrament taż-żwieġ. Jiġi ffirmat l-att taż-żwieġ.

Ara l-proċedura →

JUM IŻ-ŻWIEĠ

SA 5 IJIEM WARA Ż-ŻWIEĠ

L-Att ta’ Żwieġ lir-Reġistru Pubbliku

Il-kappillan jibgħat l-Att taż-żwieġ iffirmat u ttimbrat lir-Reġistru Pubbliku fi żmien ta’ mhux aktar minn ħamest ijiem miċ-ċelebrazzjoni taż-żwieġ.

Ara l-proċedura →

SA 5 IJIEM WARA Ż-ŻWIEĠ

WARA Ż-ŻWIEĠ

Reġistru taż-Żwieġ tal-Parroċċa

Iż-żwieġ jiġi rreġistrat fir-reġistri tal-parroċċa u fis-sistema tal-Parish Management flimkien mal-arkivjar tad-dokumenti annessi.

Ara l-proċedura →

WARA Ż-ŻWIEĠ
 
Il-proċedura tieqaf hawn.
Dokumenti

L-intenzjoni tal-quddies

27/03/2026
Deskrizzjoni

Proċeduri marbuta mal-intenzjonijiet tal-quddies.

Skont digriet u ċirkolari tad-29 ta’ Lulju 2015 u t-tagħlim tal-Papa Franġsiku (7 ta’ Marzu 2018), il-Quddiesa m’għandhiex tkun marbuta mal-flus jew tidher li għandha prezz; l-offerta hija volontarja u mhux ħlas.

Proċedura

  1. Ħu nota fuq ktieb apposta tal-intenzjonijiet.
  2. Niżżel l-isem, il-kunjom, il-ħin u d-data li fih ser titqaddes il-quddiesa għal dik l-intenzjoni.
  3. Persuna waħda tista’ tagħmel intenzjoni għal persuna waħda jew aktar għal quddiesa waħda.
  4. L-offerta/donazzjoni suġġerita hija ta’ €5. Il-persuna li tkun qed tagħmel l-intenzjoni, minn rajha u jekk tkun tixtieq, tista’ tagħti iktar minn hekk (rif. Ċ 350 03.12.96).

IMPORTANTI

  1. Il-kappillani għandhom id-dmir li nhar ta’ Ħadd u fil-festi tal-obbligu tas-smigħ tal-quddies, joffru quddiesa għal dawk, ħajjin u mejtin, membri tal-komunità afdata lilhom.
  2. Il-Kappillan għandu jara li ma jkunx hemm kunflitt ta’ ħinijiet bejn knejjes jew kappelli qrib xulxin (rif. Ċ 52 13.06.78).
  3. Talbiet biex elemożina tal-quddies tingħata lill-missjunarji għandhom jiġu riferiti lil Mons. Vigarju (rif. Ċ 350 03.12.96).
  4. Saċerdot jista’ jqaddes aktar minn quddiesa waħda kuljum f’każ ta’ ħtieġa pastorali, deċiża mill-Kappillan; m’għandux iqaddes privatament jew jikkonċelebra meta hemm nuqqas ta’ saċerdoti għall-quddies tal-ħin.
  5. Saċerdoti li jqaddsu aktar minn quddiesa waħda kuljum iżommu elemożina waħda biss u l-oħrajn jagħtuhom għall-karità.
Il-proċedura tieqaf hawn.
Dokumenti

Reġistri tal-parroċċa

27/03/2026
Deskrizzjoni

Proċeduri marbuta mar-reġistri tal-parroċċa.

Proċeduri

  1. Ir-reġistri li kull kappillan għandu jara li jinżammu aġġornati huma:
    1. Magħmudijiet
    2. Magħmudijiet tat-tfal adottati
    3. Griżma tal-Isqof
    4. Żwiġijiet
    5. Funerali

  2. Dak kollu li jiġi rreġistrat fir-reġistri tal-parroċċa,  għandu jiddaħħal fis-sistema tal-Parish Management pm.knisja.mt flimkien mad-dokumenti annessi mar-reġistri (eż. formoli tar-reġistrazzjoni għas-sagramenti, ċertifikati tat-twelid, burial permits, eċċ.).
  3. Tibdil ta’ dettalji fir-reġistri
    1. Bidliet ta’ dettalji fir-reġistri uffiċċjali tal-parroċċa isiru biss permezz ta’ rikors mibgħut lill-Kanċellerija tal-Kurja. Il-Kanċellerija, wara li tiproċessa r-rikors, tibgħat tavżak xi jrid jinkiteb fir-reġistru.
Il-proċedura tieqaf hawn.
Dokumenti

Katekiżmu

26/03/2026
Deskrizzjoni

Proċeduri marbuta mat-tagħlim tal-Katekiżmu offrut mill-parroċċa jew mill-fergħat tal-MUSEUM.

Proċedura

Il-proċedura tieqaf hawn.
Dokumenti

Magħmudijiet partikolari u informazzjoni oħra

26/03/2026
Deskrizzjoni

Proċeduri marbuta mas-sagrament tal-Magħmudija f’każijiet partikolari.

Proċedura

  1. Magħmudija ta’ persuna minn knejjes u komunitajiet ekkleżjali oħra
    1. Persuna li ġejja minn knisja jew komunitajiet ekkleżjastiċi oħra u hija mgħammda, ikkuntattja lill-Vigarju Ġenerali sabiex tikkonsulta miegħu dwar il-validità tal-Magħmudija tagħha.
  2. Magħmudija ta’ persuni ikkonvertiti (converts)

    1. F’każ li persuna tkun irċeviet il-Magħmudija f’xi waħda mill-komunitajiet ekkleżjali li mhumiex f’għaqda sħiħa mal-Knisja, m’għandhiex terġa tiġi ċelebrata l-Magħmudija, imma l-persuna tiġi mitluba tagħmel stqarrija tal-Fidi skont il-formola apposta.

  3. Tarbija li tkun irċeviet il-Magħmudija b’mod urġenti l-isptar
    1. Jekk Magħmudija tkun saret b’urġenza imma b’mod validu din qatt ma terġa’ tiġi ripetuta.
    2. Tista’ però ssir ċelebrazzjoni bir-riti partikulari li ma jkunux saru minħabba l-urġenza tal-każ (din iċ-ċelebrazzjoni qegħda indikata fil-kotba liturġiċi).
    3. Magħmudijiet li jiġu ċċelebrati fi sptar għandhom jiġu rreġistrati fir-Reġistru tal-Parroċċa ta’ fejn toqgħod it-tarbija (magħrufa wkoll bħala tad-Domiċilju).
    4. Il-kappillani fl-isptar jżommu nota tal-magħmudija urġenti.
  4. Dubju dwar il-validità tal-magħmudija
    1. F’każ ta’ dubju reali dwar il-validità tal-Magħmudija importanti li tivverifika mal-kanċellerija (fuq 2590 6140 jew email lil [email protected]) biex jekk ikun il-każ issir il-Magħmudija b’kundizzjoni.
  5. Magħmudija ta’ trabi ta’ ġenituri li formalment abbandunaw il-fidi

    1. F’dan il-każ, ma tistax issir il-Magħmudija sakemm:

      1. Almenu wieħed mill-ġenituri li għamel it-talba ma jkunx irrikonċilja ruħu mal-Knisja Kattolika u jagħti tama soda dwar it-trobbija Nisranija tat-tarbija.

      2. Jekk il-ġenituri jkunu neqsin ħafna fit-tagħlim Nisrani, dawn għandhom jingħataw katekeżi qabel ma ssir iċ-ċelebrazzjoni tal-Magħmudija.

Il-proċedura tieqaf hawn.
Dokumenti

Magħmudija ta’ Adult

26/03/2026
Deskrizzjoni

Proċedura marbuta mas-sagrament tal-Magħmudija ta’ Adult.

Proċedura

  1. Meta ssirlek talba sabiex persuna adulta titgħammed, irreferiha mal-ewwel mal-Christian Initiation for Adults (jew RCIA):
    1. Żur is-sit: https://welcome.church.mt/
    2. Kuntatt: 2590 6151
    3. Email: [email protected]
  2. Jekk il-persuna tkun diġà tkellmet ma’ saċerdot jew persuna li tkun qed takkumpanjaha f’din il-mixja, tista’ timtela din il-formola online: https://welcome.church.mt/accompanying-an-enquirer/
Il-proċedura tieqaf hawn.
Dokumenti

Magħmudija ta’ Minorenni – ġenituri adottivi jew foster parents

26/03/2026
Deskrizzjoni

Proċeduri marbuta mas-sagrament tal-Magħmudija ta’ Minorenni meta l-ġenituri huma ġenituri adottivi jew foster parents.

Jekk il-ġenituri huma ġenituri naturali jew kustodji legali agħfas hawn.

Proċedura

Jekk il-ġenituri tal-minorenni:

  1. Huma mgħammda fil-Knisja Kattolika kompli bil-proċedura t’hawn taħt.
  2. Jagħmlu parti minn knisja jew komunità ekkleżjali li mhix f’għaqda sħiħa mal-Knisja Kattolika: ikkonsulta mal-Vigarju Ġenerali dwar il-validità tal-Magħmudija tagħhom.
  3. Formalment abbandunaw il-fidi, ma tistax issir il-Magħmudija sakemm almenu wieħed mill-ġenituri li għamel it-talba ma jkunx irrikonċilja ruħu mal-Knisja Kattolika u jagħti tama soda dwar it-trobbija Nisranija tal-minorenni. Jekk il-ġenituri jkunu neqsin ħafna fit-tagħlim Nisrani, dawn għandhom jingħataw katekeżi qabel ma ssir iċ-ċelebrazzjoni tal-Magħmudija.
A. Dokumenti meħtieġa mingħand il-ġenituri
  1. Iċ-Ċertifikat tat-Twelid tal-minorenni biex jinżamm fl-uffiċċju parrokkjali u traduzzjoni tiegħu bl-Ingliż.
  2. Il-Karti tal-Identità tagħhom.
  3. Fil-każ ta’ ġenituri adottivi: iċ-ċertifikat taż-Żwieġ.
  4. Id-digriet tal-Qorti Maltija dwar l-adozzjoni jew il-fostering.
  5. Jekk il-minorenni ma jogħqodx fil-parroċċa tiegħek: il-formola Permess biex sagrament jiġi amministrat f’parroċċa oħra mill-kappillan tal-parroċċa fejn joqgħod il-minorenni Niżżel il-formola
B. Rikors
  1. Agħmel rikors il-Kurja.
  2. Għal dan ir-rikors hemm bżonn id-dokumenti mitluba diġà lill-ġenituri.
  3. F’każ li d-digriet tal-qorti ikun għadu ma ħariġx, fir-rikors għandu jinkiteb li d-digriet għadu ma nħariġx u irid jintalab permess mill-ordinarju biex il-magħmudija ssir.
  4. Jekk ir-rikors jintlaqa’ u jinħareġ id-digriet, agħmel appuntament mal-ġenituri sabiex jirreġistraw il-minorenni.

Għall-pariri meħtieġa ċempel lill-Kanċillier Dun Charles Bugeja fuq 2590 6140 jew ibgħat email fuq [email protected]

C. Mili u iffirmar tal-formula tar-reġistrazzjoni
  1. Imla id-dettalji u l-kunsensi kollha tal-formola Talba għas-Sagrament tal-Magħmudija ta’ Minorenni (magħruf ukoll bħala Prima Manus) [Niżżel il-formola]. Dan huwa fillable PDF li għandu jimtela minn kompjuter jew laptop.
  2. Ipprintja l-PDF.
  3. Itlob il-karti tal-Identità lil ġenituri u jqabbilhom mal-formola. Importanti li ma jittiħdux kopji tal-Karti tal-Identità minħabba il-li[ijiet tal-protezzjoni tad-data (GDPR).
  4. Itlob lill-ġenituri jiffirmaw.
  5. Iċċekkja li d-dokumenti kollha li ġabu l-ġenituri huma skond kif imniżżla fis-sezzjoni A iktar ‘il fuq f’din il-paġna. Jekk dawn huma tajbin, iffajljahom.
D. Il-parrinu/i u d-dikjarazzjoni tagħhom
  1. Spjega lill-ġenituri li jridu jagħżlu persuna jew tnejn li jaqdu r-rwol ta’ parrini.
  2. Il-parrinu/i iridu jkunu mgħammda.
  3. Jekk Parrinu wieħed:
    1. Jekk il-ġenituri huma raġel u mara, il-parrinu jista’ jkunu raġel jew mara.
    2. Jekk il-ġenituri huma żewġt irġiel, il-parrina trid tkun mara.
    3. Jekk il-ġenituri huma żewġ nisa, il-parrinu jrid ikun raġel.
  4. Jekk Żewġ parrini:
    1. F’kull każ, il-parrini jridu jkunu raġel u mara (mhux żewġt irġiel jew żewġ nisa).
    2. Jekk wieħed/waħda miż-żewġ parrini huwa mgħammed imma mhux Kattoliku (eż. Ortodoss) jista jkun xhud mal-parrinu/a l-oħra.
  5. Id-dover tal-parrini hu li jgħinu lill-ġenituri fir-responsabbiltà tagħhom li jrabbu lil uliedhom fil-fidi Nisranija.
  6. Tihom kopja tal-formola Dikjarazzjoni tal-parrinu/a Niżżel il-formola għal kull parrinu/a sabiex timtela u terġa tinġieb fl- uffiċċju parrokkjali.
E. Il-preparazzjoni tal-ġenituri
  1. Jekk il-minorenni jgħix fil-parroċa tiegħek: ftihem magħhom kif u meta se ssir il-preparazzjoni.
  2. Jekk il-minorenni jgħix f’parroċċa oħra, il-preparazzjoni tal-ġenituri issir mill-kappillan ta’ dik il-parroċċa.
  3. Importanti: Jistgħu jiġu eżentati biss mill-preparazzjoni dawk il-ġenituri li jkunu morda fit-tul jew imsefrin.
F. Dettalji tal-magħmudija u tar-rit
Noti Importanti
  1. Il-Magħmudijiet jistgħu isiru kemm fil-quddiesa u kemm ir-rit mingħajr il-quddiesa. Tkun ħaġa sabiħa li ssir kif issir, dejjem issir fil-komunità u mal-komunità.
  2. Jekk il-magħmudija se ssir bl-immersjoni:
    1. Tingħata spjega tar-rit u tifsira tal-immersjoni.
    2. L-immersjoni trid issir billi l-persuna kollha jew almenu rasha tiġi mgħaddsa miċ-ċelebrant fl-ilma għal tliet darbiet mal-invokazzjoni tat-Trinità Qaddisa.
    3. Irid ikun hemm vaska jew reċipjent ieħor li jkun dekoruż u mingħajr periklu għas-saħħa ta’ min ser jitgħammed.
    4. Il-minorenni/tarbija li se titgħammed għandha tkun liebsa b’mod xieraq.
  1. Informa lill-ġenituri bid-data ta’ meta se ssir il-magħmudija
  2. Spjega x’għandhom bżonn għaċ-ċelebrazzjoni tas-sagrament:
    1. Il-minorenni jitlibbes l-abjad u jġibu xalla bajda.
    2. Il-ġenituri u l-qraba għandhom jilbsu ilbies xieraq għad-Dar t’Alla.
    3. Li jersqu għas-sagrament tal-qrar qabel il-magħmudija.
    4. Jiġu nfurmati bir-regoli tal-parroċċa dwar il-ġbid ta’ ritratti u video.
F. Wara li ssir l-Magħmudija
  1. Fit-Talba għas-Sagrament tal-Magħmudija (il-Prima Manus) imla s-sezzjoni Użu tal-Uffiċċju.
  2. Irreġistra l-magħmudija fir-Reġistru tal-Magħmudija.
  3. Daħħal ir-reġistrazzjoni fis-sistema tal-Parish Management [Iftaħ is-sistema].
Il-proċedura tieqaf hawn.
Dokumenti

Magħmudija ta’ Minorenni – ġenituri naturali jew kustodji legali

26/03/2026
Deskrizzjoni

Proċeduri marbuta mas-sagrament tal-Magħmudija ta’ Minorenni meta l-ġenituri huma ġenituri naturali, kustodji legali jew foster parents.

Jekk il-ġenituri huma ġenituri adottivi jew foster parents agħfas hawn.

Proċedura

Jekk il-ġenituri tal-minorenni:

  1. Huma mgħammda fil-Knisja Kattolika kompli bil-proċedura t’hawn taħt.
  2. Jagħmlu parti minn knisja jew komunità ekkleżjali li mhix f’għaqda sħiħa mal-Knisja Kattolika: ikkonsulta mal-Vigarju Ġenerali dwar il-validità tal-Magħmudija tagħhom.
  3. Formalment abbandunaw il-fidi, ma tistax issir il-Magħmudija sakemm almenu wieħed mill-ġenituri li għamel it-talba ma jkunx irrikonċilja ruħu mal-Knisja Kattolika u jagħti tama soda dwar it-trobbija Nisranija tal-minorenni. Jekk il-ġenituri jkunu neqsin ħafna fit-tagħlim Nisrani, dawn għandhom jingħataw katekeżi qabel ma ssir iċ-ċelebrazzjoni tal-Magħmudija.
A. Dokumenti meħtieġa mingħand il-ġenituri
  1. Ċertifikat tat-Twelid tal-Insinwa (il-kbir A3) biex jinżamm fl-uffiċċju parrokkjali.
  2. Il-Karti tal-Identità tal-ġenituri.
  3. Jekk il-ġenituri huma kustodji legali: id-digriet ċivili/tal-qorti tal-kustodja legali.
  4. Jekk il-minorenni ma jogħqodx fil-parroċċa tiegħek: il-formola Permess biex sagrament jiġi amministrat f’parroċċa oħra mimlija u ffirmata mill-kappillan tal-parroċċa fejn joqgħod il-minorenni [Niżżel il-formola]
B. Mili u iffirmar tal-formula tar-reġistrazzjoni
  1. Agħmel appuntament mal-ġenituri biex jiġu l-uffiċċju parrokkjali
  2. Imla id-dettalji u l-kunsensi kollha tal-formola Talba għas-Sagrament tal-Magħmudija ta’ Minorenni (magħruf ukoll bħala Prima Manus) [Niżżel il-formola]. Dan huwa fillable PDF li għandu jimtela minn kompjuter jew laptop.
  3. Ipprintja l-PDF.
  4. Itlob il-karti tal-Identità lil ġenituri u jqabbilhom mal-formola. Importanti li ma jittiħdux kopji tal-Karti tal-Identità minħabba il-li[ijiet tal-protezzjoni tad-data (GDPR).
  5. Itlob lill-ġenituri jiffirmaw.
  6. Iċċekkja li d-dokumenti kollha li ġabu l-ġenituri huma skond kif imniżżla fis-sezzjoni A iktar ‘il fuq f’din il-paġna. Jekk dawn huma tajbin, iffajljahom.
Ċ. Il-parrinu/i u d-dikjarazzjoni tagħhom
  1. Spjega lill-ġenituri li jridu jagħżlu persuna jew tnejn li jaqdu r-rwol ta’ parrini.
  2. Il-parrinu/i iridu jkunu mgħammda.
  3. Jekk Parrinu wieħed:
    1. Jekk il-ġenituri huma raġel u mara, il-parrinu jista’ jkunu raġel jew mara.
    2. Jekk il-ġenituri huma żewġt irġiel, il-parrina trid tkun mara.
    3. Jekk il-ġenituri huma żewġ nisa, il-parrinu jrid ikun raġel.
  4. Jekk Żewġ parrini:
    1. F’kull każ, il-parrini jridu jkunu raġel u mara (mhux żewġt irġiel jew żewġ nisa).
    2. Jekk wieħed/waħda miż-żewġ parrini huwa mgħammed imma mhux Kattoliku (eż. Ortodoss) jista jkun xhud mal-parrinu/a l-oħra.
  5. Id-dover tal-parrini hu li jgħinu lill-ġenituri fir-responsabbiltà tagħhom li jrabbu lil uliedhom fil-fidi Nisranija.
  6. Tihom kopja tal-formola Dikjarazzjoni tal-parrinu/a Niżżel il-formola għal kull parrinu/a sabiex timtela u terġa tinġieb fl- uffiċċju parrokkjali.
D. Il-preparazzjoni tal-ġenituri
  1. Jekk il-minorenni jgħix fil-parroċa tiegħek: ftihem magħhom kif u meta se ssir il-preparazzjoni.
  2. Jekk il-minorenni jgħix f’parroċċa oħra, il-preparazzjoni tal-ġenituri issir mill-kappillan ta’ dik il-parroċċa.
  3. Importanti: Jistgħu jiġu eżentati biss mill-preparazzjoni dawk il-ġenituri li jkunu morda fit-tul jew imsefrin.
E. Dettalji tal-magħmudija u tar-rit
Noti Importanti
  1. Il-Magħmudijiet jistgħu isiru kemm fil-quddiesa u kemm ir-rit mingħajr il-quddiesa. Tkun ħaġa sabiħa li ssir kif issir, dejjem issir fil-komunità u mal-komunità.
  2. Jekk il-magħmudija se ssir bl-immersjoni:
    1. Tingħata spjega tar-rit u tifsira tal-immersjoni.
    2. L-immersjoni trid issir billi l-persuna kollha jew almenu rasha tiġi mgħaddsa miċ-ċelebrant fl-ilma għal tliet darbiet mal-invokazzjoni tat-Trinità Qaddisa.
    3. Irid ikun hemm vaska jew reċipjent ieħor li jkun dekoruż u mingħajr periklu għas-saħħa ta’ min ser jitgħammed.
    4. Il-minorenni/tarbija li se titgħammed għandha tkun liebsa b’mod xieraq.
  1. Informa lill-ġenituri bid-data ta’ meta se ssir il-magħmudija
  2. Spjega x’għandhom bżonn għaċ-ċelebrazzjoni tas-sagrament:
    1. Il-minorenni jitlibbes l-abjad u jġibu xalla bajda.
    2. Il-ġenituri u l-qraba għandhom jilbsu ilbies xieraq għad-Dar t’Alla.
    3. Li jersqu għas-sagrament tal-qrar qabel il-magħmudija.
    4. Jiġu nfurmati bir-regoli tal-parroċċa dwar il-ġbid ta’ ritratti u video.
F. Wara li ssir l-Magħmudija
  1. Fit-Talba għas-Sagrament tal-Magħmudija (il-Prima Manus) imla s-sezzjoni Użu tal-Uffiċċju.
  2. Irreġistra l-magħmudija fir-Reġistru tal-Magħmudija.
  3. Daħħal ir-reġistrazzjoni fis-sistema tal-Parish Management [Iftaħ is-sistema].
Il-proċedura tieqaf hawn.
Dokumenti