Infakkruk li mill-user area inti tista tniżżel il-verżjoni l-qasira taċ-ċertifikati tal-magħmudija, li jintużaw per eżempju minħabba l-katekiżmu. Agħfas il-buttuna t’hawn taħt sabiex taċċessa dan is-servizz u fittex għaċ-ċertifikati tal-Magħmudija li saru mill-2010 ‘il quddiem u li kienu mdaħħla tajjeb fil-Parish Management sal-21/07/2022.

Tista tfittex u tniżżel kemm ċertifikati li ddaħħlu fil-Parish management mill-parroċċa tiegħek, kif ukoll ta’ parroċċi oħrajn. Il-paġna trid tigi aċċessata billi ddaħħal il-username u l-password tal-parroċċa tiegħek. Agħfas il-buttuna Gwida sabiex taċċessa gwida qasira ta’ kif tidħol f’dan is-servizz.

Fil-paġna tar-riżorsi ta’ bejn il-Parroċċi tista’ ssib riżorsa ġdida b’sensiela ta‘ Ċelebrazzjonijiet tal-Kelma bil-ħsibijiet ta’ Dun Kalċ Vassallo mibgħuta mill-parroċċa tal-Iklin. Inħeġġuk tibgħatilna riżorsi simili sabiex jitellgħu fil-paġna Parroċċi Malta.

Tixtieq titħarreġ dwar ir-reġistrazzjoni tal-operaturi pastorali, il-ħruġ tal-ID cards tal-operaturi jew is-servizzi online ta’ parrocci.knisja.mt? Idħol parrocci.knisja.mt/tahrig fejn issib filmati, preżentazzjonijiet u riżorsi oħra.

Fil-User Area ta’ dan is-sit issa tista’ ssib l-appuntamenti importanti tal-kappillani u r-retturi tal-knsejjes. Minbara li tara d-dettalji tal-appuntamenti, tista’ wkoll iżżidhom fil-Google Calendar jew kalendarji oħra elettroniċi tiegħek b’mod faċli, anke fuq il-mobile tiegħek.

Idħol issa fil-link tal-kalendarju t’hawn taħt u ippruvah.

Żur il-paġna l-ġdida tar-Riżorsi Pastorali fejn tista’ ssib ġabra ta’ riżorsi mill-parroċċi għall-parroċċi, dokumenti pastorali, kif ukoll tagħrif dwar inizjattivi. Tista’ wkoll tikkontribwuxxi billi tibgħat rizorsa u taqsamha fi spirtu ta’ kollaborazzjoni u għajnuna reċiproka, b’turija ta’ Knisja waħda.

Din is-sezzjoni tas-sit tas-Segretarjat Parroċċi toffri formoli, dokumenti u riżorsi importanti, li jintużaw b’mod regolari mill-Parroċċi. Inħeġġuk iżżur ta’ spiss il-user area sabiex tgawdi mis-servizzi offruti fiha u żżomm ruħek aġġornat. Jekk tiltaqa’ ma diffikultà, ibgħatilna email fuq [email protected].